G.Ábdiqalyqovanyń tóraǵalyǵymen jalpyulttyq qundylyqtardy qasterleý jáne ilgeriletý máseleleri qaraldy

ASTANA. QazAqparat - QR Memlekettik hatshysy Gúlshara Ábdiqalyqovanyń tóraǵalyǵymen Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń kezekti otyrysy ótti.

Onda Qazaqstan jolynyń jalpyulttyq qundylyqtaryn qasterleý jáne ilgeriletý máseleleri qaraldy.

Otyrysty ashqan G.Ábdiqalyqova álemniń kóptegen elderinde jaǵdaı birqalypty bolmaı turǵan qazirgi tańda ýaqytqa saı qadamdardy qarastyrýdyń mańyzdylyǵyn atap ótti. Jahandyq ózgerister memleketten ózgermeli jaǵdaılarǵa beıimdelgen sharalar qabyldaýdy qajet etedi. Memleket basshysynyń bıylǵy «Qazaqstan jahandyq naqty ahýalda: ósý, reformalar, damý» atty Joldaýy jahandyq daǵdarystyń jaǵymsyz saldaryn eńserýge jáne ekonomıkanyń odan ári ósýine baǵyttalǵan. Bul úshin el Prezıdenti úsh uǵymmen teńestirilgen basty daǵdarysqa qarsy stratagemany usyndy: ósim reformalar, damý. Joldaýdyń aıasynda jańa ınvestıtsııalyq jáne áleýmettik saıasat iske asyrylatyn bolady.

Memlekettik hatshy Joldaýdy iske asyrý aıasynda qoǵamdaǵy rýhanı-adamgershilik, moraldyq-etıkalyq qundylyqtardy nyǵaıtý boıynsha júıeli jumys júrgizý kerektigin atap ótti. Osyǵan oraı jalpyulttyq qundylyqtardy qasterleý jáne ilgeriletý barlyq memlekettik organdar, bıznes-qurylymdar, azamattyq qoǵam úshin mańyzdy mindet bolyp tabylady. Tutastaı alǵanda, jalpyulttyq qundylyqtardy ilgeriletý boıynsha jalpy qazaqstandyq biregeılik pen halyqtyń birtutastyǵyn nyǵaıtýǵa baǵyttalǵan «Úlken el - úlken otbasy» jobasyn iske asyrý boıynsha aýqymdy jumys júrgizilýde.

Talqylaýdyń qorytyndysy boıynsha G.Ábdiqalyqova memlekettik organdarǵa qaralǵan máseleler boıynsha birqatar naqty tapsyrma berdi.