G.Ábdiqalyqova QHA keńesi otyrysynda qazaqstandyq birtektilikti damytý jáne nyǵaıtýǵa qatysty tapsyrmalar júktedi
Keńes jumysyna Prezıdent Ákimshiligi, mınıstrlikter men vedomstvolar ókilderi, QR Parlamentiniń depýtattary, óńirlerdegi ǵylymı-sarapshylyq toptar jetekshileri, ǵylymı jáne shyǵarmashylyq zııaly qaýym jáne BAQ ókilderi qatysty. Otyrysta «Barshaǵa arnalǵan qazirgi zamanǵy memleket» - 100 naqty qadam Ult josparynyń tórtinshi ınstıtýtsıonaldyq reformasy - «Birtektilik pen birlikti» iske asyrýdaǵy QHA Ǵylymı-sarapshylyq keńesiniń mindetteri qaraldy, qoǵamdyq kelisim jáne ulttyq birlik salasyndaǵy ǵylymı zertteýler, QHA jylyn ǵylymı-sarapshylyq turǵydan qoldaý barysy jáne ózge de uıymdastyrýshylyq máseleler talqylandy. Memlekettik hatshy QHA Ǵylymı-sarapshylyq keńesi músheleri júrgizip otyrǵan jumystyń mańyzyna toqtala kelip, «Bolashaǵy birtutas ult» tórtinshi ınstıtýtsıonaldyq reformasyn iske asyrý aıasyndaǵy Assambleıanyń ǵylymı qaýymdastyǵynyń mindetterin atap kórsetti. Azamattyq qaǵıdattary negizinde qazaqstandyq birtektilikti damytý jáne nyǵaıtý, el birligi men qoǵamdyq kelisimdi saqtaý isine qatysty birqatar tapsyrmalar berdi.