G.Ábdiqalyqova: Bizdiń basty mindetimiz - azamattardyń áleýmettik ahýalynyń tómendeýine jol bermeý
«Jaqynda Elbasy «Nurly jol - bolashaqqa bastar jol» atty Qazaqstan halqyna Joldaýynda álemniń nazarynda turǵan san qaterlerdi eskere otyryp, ulttyq ekonomıkamyzdy nyǵaıtýǵa baǵyttalǵan joldy aıqyndap berdi. Jahandyq deńgeıdegi qaterlerdiń aldyn alýǵa baǵyttalǵan údemeli ındýstrııalyq-ınnovatsııalyq damý baǵdarlamasynyń 2-shi besjyldyqtaǵy maqsattaryna sáıkes ınfraqurylymdardy damytýdy kózdeıtin jańa ekonomıkalyq saıasat bastamasyn ómirge engizdi», - dedi ol.
Memlekettik hatshynyń atap ótýinshe, Joldaýda belgilengen baǵyttar boıynsha iskerlik belsendilikti arttyrýǵa, halyqty jumyspen qamtýǵa, onyń áleýmettik ahýalyn jaqsartýǵa baǵyttalǵan naqty sharalar júzege asyrylatyn bolady.
«Atap aıtsaq, baspanany tikeleı deldaldarsyz jáne nesıege barynsha tómen usyný, apatty mektepter men úsh aýysymdy oqytý problemalaryn jáne basqa da máselelerdi sheshý arqyly biz otbasynyń ári óskeleń urpaqtyń sapaly ómirin qamtamasyz ete alamyz. Bizdiń basty mindetimiz azamattardyń áleýmettik ahýalynyń tómendeýine jol bermeý bolyp tabylady. Sondyqtan bul baǵytta áıelderdi ınfraqurylymdyq jobalarǵa tartý, ol úshin jaǵdaı jasaý - bizdiń komıssııanyń basty maqsattarynyń biri», - dedi G.Ábdiqalyqova.