G. Ábdiqalyqova astananyń aýystyrylǵan kúniniń qurmetine arnalǵan sport jarysyna bardy
Bul týraly Aqordanyń baspasóz qyzmetinen habarlady.
Іs-sharaǵa QR Mádenıet jáne sport vıtse-mınıstri S.Musaıbekov, Astana qalasy ákiminiń orynbasary E.Amanshaev qatysty.
Qazaqstan Respýblıkasynyń Joǵary Keńesi elordany aýystyrý týraly sheshimdi 1994 jylǵy 6 shildede qabyldady. Astana 1997 jyly 10 jeltoqsanda resmı túrde aýystyryldy. Bıyl Astanaǵa 18 jyl tolady. Osy ýaqyt ishinde Astana eldi ekonomıkalyq jáne ınfrastrýktýralyq turǵyda damytýshy lokomotıvterdiń birine aınaldy. Elordany aýystyrý túrli salalardaǵy mýltıplıkatıvtik máni bar kóptegen jaǵymdy ózgeristerge túrtki boldy. Sonyń ishinde qurylys, mádenıet, ınnovatsııa, bilim berý, týrızm jáne sport salalaryn erekshe atap ótken jón.
Memlekettik hatshy saltanatty ashylý rásimindegi sózinde Qazaqstan Prezıdentiniń qoldaýymen respýblıkamyzda dene shynyqtyrýmen jáne sportpen aınalysýǵa, sporttyń birneshe túrlerinen, sonyń ishinde shaıbaly hokkeı, mánerlep syrǵanaý boıynsha joǵary dárejeli sportshylardy daıyndaýǵa barlyq jaǵdaı jasalǵanyn atap ótti.
G.Ábdiqalyqova búgingi chempıonat elimizdiń ulttyq meıramy - Táýelsizdik kúnine oraı ótip jatqanyn, osy jyldar ishinde Qazaqstan ekonomıkalyq jáne áleýmettik jetistikterimen birge álemdik sport arenalarynda da aıtýly jeńisterge jetkenin atap kórsetti.
Atalǵan is-shara aıasynda shaıbaly hokkeıden balalar men jasóspirimder komandalary arasynda Qazaqstan Respýblıkasynyń chempıonaty, mánerlep syrǵanaýdan jáne júzýden Astana qalasynyń jarysy ótti.
Іs-shara sońynda qatysýshylar medaldarmen jáne dıplomdarmen marapattaldy.