G.Ábdihalyqova áıelderdi Kedendik odaq memleketteriniń ekonomıkalyq ómirine belsendi aralasýǵa shaqyrdy
Bul týraly búgin Astanada «Otbasy. Urpaqtardyń áleýmettik ádilettigi» halyqaralyq konferentsııasynda QR Prezıdentiniń keńesshisi, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdihalyqova osylaı atap kórsetti.
«Kedendik odaqtyń ekonomıkalyq áleýeti burynǵy KSRO-nyń 83 paıyzyn quraıdy. Bul oraıda áıelder sany 50 paıyzdan asatyn Kedendik odaq memleketterinde áıel adamdarynyń áleýetin paıdalanbaý úlken qatelik bolar edi. Bıyl shilde aıynan bastap, Kedendik odaq elderinde 7 tehnıkalyq reglament engizildi jáne osy jumystarǵa áıelder óz úlesterin qosýǵa belsene aralasýy tıis», - dedi ol.
Aıta keteıik, búgin Astanada Respýblıkalyq áıelder keńesiniń uıymdastyrýymen «Otbasy. Urpaqtardyń áleýmettik ádilettigi» halyqaralyq konferentsııasyna Reseı, Belarýs, Lıtva jáne Qazaqstan memleketteriniń áıelder delegatsııasy qatysýda. Konferentsııanyń basty maqsaty - saıası, zańnamalyq jáne áleýmettik-ekonomıkalyq negizderdi odan ári jetildirý, otbasynyń mártebesin nyǵaıtý.