ASTANA. KAZINFORM - Fýtzaldan Chempıondar lıgasy «Tórteýdiń fınal» týrnırinde bas júldeni sarapqa salatyn komandalar anyqtaldy.
Jartylaı fınalda aldymen «Benfıka» (Portýgalııa) men «Palma» (Ispanııa) komandalary kezdesti.
Negizgi kezeń 4:4 esebimen aıaqtalyp, penaltı tebýde ıspanııalyq klýb jeńiske jetti.
Taǵy bir kezdesýde Ispanııanyń «Barselonasy» Portýgalııanyń «Sportıngin» 5:4 esebimen súrindirdi.
Endi 5 mamyrda «Palma» men «Barselona» kezdesse. 3-oryn úshin «Benfıka» men «Sportıng» sheberlik baıqasady.
Chempıondar lıgasy 2001 jyldan beri turaqty túrde ótkizilip keledi. Byltyr Ispanııanyń «Palma» komandasy jeńimpaz atandy.
Qazaqstandyq «Qaırat» komandasy bıyl Chempıondar lıgasy elıtalyq satysynan asa alǵan joq. Olar oıyn kórsetken V tobynan «Benfıka» (Portýgalııa) jarystyń kelesi satysyna shyqqan edi.
Almatylyq klýb 2012/2013, 2014/2015 jyldarda atalǵan týrnırde jeńimpaz atanǵan edi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.