Fýtzaldan Portýgalııadaǵy týrnır: «Qaırat» ataqty «Sportıngten» basym tústi

ASTANA. QazAqparat - Almatylyq «Qaırat» fýtzaldan Portýgalııada ótip jatqan «International Masters Cup» týrnıriniń alǵashqy oıynynda jeńiske jetti, dep habarlaıdy QazAqparat tilshisi.

Almatylyq klýb atalǵan týrnırdiń birinshi kezdesýinde Portýgalııanyń «Sportıng» komandasymen sheberlik baıqasty. Oıyn 6:3 esebimen «Qaırattyń» jeńisimen aıaqtaldy.

Jeńimpaz komanda sapynan Dener Rodrıgo, Kaıo Rýıs, Edson (dýbl), Dáýren Tursaǵulov jáne Alısson merendigimen kózge tústi.

Aıta ketsek, týrnır toptyq kezeń formaty negizinde ótkiziledi.

Atalǵan týrnırdegi almatylyq klýbtyń qarsylastary – sol eldiń «Sportıng», «Benfıka» jáne «Braga» komandalary.
Portýgalııanyń «Sportıng» komandasy sońǵy 7 jylda fýtzaldan ÝEFA Chempıondar lıgasynyń fınalyna 6 ret shyǵyp, eki ret chempıon bolǵan.

Eske salsaq, budan buryn «Qaırat» fýtzaldan «Mucho Mas» týrnırinde qola júldege ıe boldy.