Fýtzaldan «Mucho Mas» týrnıri: «Qaırat» qola júldege ıe boldy

ASTANA. QazAqparat – Almatylyq «Qaırat» fýtzal klýby «Mucho Mas» halyqaralyq joldastyq týrnırinde úshinshi oryn aldy, dep habarlaıdy QazAqparat tilshisi.

Qazaqstandyq komanda 3-oryn úshin Ispanııanyń «Palma» komandasymen sheberlik baıqasty. Bul kezdesýde almatylyq klýb qarsylasynan 7:0 esebimen basym tústi.

Olardyń qatarynan Dener Rodrıgo het-trık jasasa, Kaıo Rýıs, Edson, Allıson de Lıma jáne Dýglas bir-bir goldyń avtory atandy.

Ispanııanyń Valdepenıa qalasynda 19 jáne 20 tamyz kúnderi ótken týrnır «Tórttiktiń fınaly» formatynda uıymdastyryldy.

Bul – qazaqstandyq klýbtyń ıspanııalyq maman Marlon Velasko jetekshiligimen qatysyp jatqan alǵashqy týrnıri.

Jartylaı fınalda «Qaırat» Eýropadaǵy tájirıbeli klýbtardyń biri «Barselonaǵa» 1:6 esebimen ese jiberdi.

Sondaı-aq qazaqstandyq klýb 23 tamyzda Portýgalııada bastalatyn «International Masters Cup» týrnırine qatysady. Qarsylastary – sol eldiń «Sportıng», «Benfıka» jáne «Braga» komandalary.