Fýtzaldan qazaqstandyq tóreshi Chempıondar lıgasynda qyzmet atqarady

<p>ASTANA. KAZINFORM &ndash; Fýtzaldan qazaqstandyq tóreshi Nurlybek Qalımaǵanbetov Chempıondar lıgasynda qyzmet atqarady. Aqtaýlyq tóreshi Nurlybek Qalımaǵanbetov UEFA tarapynan Chempıondar lıgasynyń irikteý kezeńindegi oıyndaryna tóreshilik etýge shaqyrtý aldy.&nbsp;</p>

Bıyl 38 jastaǵy arbıtr alǵash ret halyqaralyq dárejedegi tóreshi boldy. Endi oǵan aldaǵy ýaqytta halyqaralyq oıyndarda qyzmet atqarýǵa múmkindik týdy.

Nurlybek Qalımaǵanbetov 21-24 tamyz aralyǵynda Moldova astanasy Kıshınevte ótetin G tobynyń matchtarynda qyzmet atqarady. Bul topta «Shırokı Brıeg» (Bosnııa jáne Gertsegovına), «Makkabı» (Netanııa, Izraıl), «Djordjıans» (Grýzııa) jáne «Klık» (Moldova) oıyndary bolady.

Sondaı-aq fýtzaldan Qazaqstan quramasy Tájikstanmen 22 jáne 24 tamyz kúnderi eki joldastyq kezdesý ótkizedi. 

Odan keıin Qazaqstan quramasynyń Iranǵa qarsy eki joldastyq matchy josparlanǵan. Oıyndar 30 tamyz jáne 1 qyrkúıekke belgilengen.