Fýtzaldan Qazaqstan quramasynan aldaǵy eki matchta alańǵa kimder shyǵady

<p>Fýtzaldan Qazaqstan quramasynyń bas bapkeri Rıkardo Kaka 2024 jylǵy álem chempıonatyna irikteý satysynyń aldaǵy eki kezdesýine qatysatyn oıynshylar tizimin jarııalady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

El quramasy 14 jeltoqsanda Astanada Nıderland quramasyn qabyldasa, 20 qarashada syrt alańda Rýmynııamen sheberlik baıqasady.

QR fýtzalshylary A tobynda synǵa túsip jatyr. Qarsylastary – Rýmynııa, Ázerbaıjan jáne Nıderland.

Qazaqstandyqtar budan buryn Rýmynııany – 4:3, Nıderlandty 2:0 esebimen jeńgen edi. Sondaı-aq eki márte Ázerbaıjandy 4:2, 3:2 esebimen tize búktirdi.

Tórt týrdan keıin 12 upaı jınaǵan Qazaqstan quramasy kósh basynda keledi. Odan keıingi oryndaǵy Rýmynııanyń – 7, Ázerbaıjannyń – 3, Nıderlandtyń 1 upaıy bar.

Ulttyq qurama sapyndaǵy 18 oıynshynyń tizimi tómendegishe:

Qaqpashylar: Leonardo de Melo Vıeıra Leıte (Igıta), Narýn Serikov, Qanat Jetkirbaev;

Alańdaǵy oıynshylar: Taınan da Sılva Rego (Taınan), Edson Gomes dos Santos (Edson), Leonardo Mendonka da Rosa (Leo), Azat Valıýllın, Albert Aqbalyqov, Shyńǵys Esenamanov, Damır Qaıyrbaı, Arnold Knaýb, Ábdirasýl Ábdimanapuly, Dáýren Tursaǵulov, Nurbolat Batyrhanov, Aqjol Dáribaı, Ashat Kólbaev, Dýglas Jýnıor, Birjan Orazov;

Oqý-jattyǵý jıyny 10 jeltoqsanda Astana qalasynda bastalady.

2024 jylǵy álem chempıonaty Ózbekstanda ótedi.

Aıta ketsek, ekinshi irikteý satysynda qazaqstandyq fýtzalshylar Chernogorııa (7:0, 5:1) men Slovenııany (2:0, 3:3) artta qaldyryp, óz tobynda birinshi oryn aldy.

El quramasy álem chempıonatynyń fınaldyq satysynda 2000, 2016, 2021 jyldarda synǵa túsken edi. Olar 2021 jyly 4-orynǵa taban tiredi.