Fýtzaldan Qazaqstan quramasy ÝEFA reıtınginde tórtinshi ornyn saqtap qaldy

<p>ASTANA. KAZINFORM - Fýtzaldan ÝEFA-nyń jańartylǵan reıtınginde Qazaqstan quramasy óz ornyn saqtap qaldy. Ulttyq qurama burynǵysynsha tórtinshi orynda tur.</p>

ÝEFA búgin, 2 mamyrda jarııalaǵan fýtzaldan ulttyq quramalardyń jańartylǵan reıtınginde kósh basynda Portýgalııa, Reseı, Ispanııa keledi. Qazaqstandyq fýtzalshylar tórtinshi orynǵa turaqtap tur.

Fýtzaldan ulttyq quramalardyń reıtıngi:

1. Portýgalııa - 2715.953
2. Reseı - 2547.159
3. Ispanııa -2495.409
4. Kazahstan - 2418.002
5. Ýkraına - 2056.591
6. Horvatııa - 1976.252
7. Fınlıandııa - 1970.212
8. Frantsııa - 1967.701
9. Polsha - 1924.072
10. Slovenııa - 1898.780.

Aıta ketsek, bıyl 14 qyrkúıek-6 qazan aralyǵynda Ózbekstanda ótetin álem chempıonatyna qatysady. 

Toptyq kezeńniń jerebesi 26 mamyrda bolady. 

El quramasy sáýir aıynda joldastyq kezdesýde Qyrǵyzstandy 3:2 esebimen jeńip, odan keıin Ózbekstanmen 5:5 esebimen teń oınasa, taǵy bir kezdesýde 5:6 esebimen ese jiberdi.

Qazaqstan quramasy álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.