Fýtzaldan Qazaqstan quramasy Ózbekstanmen joldastyq kezdesý ótkizedi

<p>Fýtzaldan Qazaqstan quramasy Ózbekstanmen sáýir aıynda eki joldastyq kezdesý ótkizedi, dep habarlaıdy <a href="Kazinform" target="_blank" rel="noopener">Kazinform</a>.</p>

Joldastyq kezdesýler Ózbekstanda ótetin álem chempıonatyna daıyndyq aıasynda bolady.

Joldastyq kezdesýler aldaǵy jyldyń 8 jáne 10 sáýirinde Tashkent qalasynda ótedi.

Aıta ketsek, 2021 jyly Astanada Qazaqstan men Ózbekstan quramalary eki joldastyq kezdesý ótkizgen edi. Alǵashqy oıynda 3:1 esebimen Kaka shákirtteriniń jeńse, ekinshi match 4:6 esebimen Ózbekstan quramasyna paıdasyna aıaqtaldy.

Ózbekstandyq fýtzalshylar álem chempıonaty fınaldyq satysyna 2016, 2021 jyldarda eki márte qatysyp, 2021 jyly 1/8 fınalǵa deıin jetti.

Al Azııa chempıonatynda tórt márte vıtse-chempıon (2001, 2006, 2010, 2016) bolsa, bes márte (2005, 2007, 2014, 2018, 2022) qola júldeger atandy.

Aıta ketsek, Qazaqstan quramasy álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.

Eske salsaq, el quramasy 2024 jyly ótetin álem chempıonatyna joldama aldy.