Fýtzaldan Qazaqstan quramasy búgin álem chempıonatynda Argentınamen kezdesedi

<p>ASTANA. KAZINFORM - Búgin, 30 qyrkúıekte fýtzaldan Qazaqstan quramasy álem chempıonatynyń 1/4 fınalynda Argentınamen kezdesedi.</p>

Búgingi oıyn elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.

Eki qurama qazirge deıin eki márte kezdesti. Alǵash ret 2016 jyly álem chempıonatynda el quramasy olarǵa 0:1 esebimen esebimen ese jiberse, bıyl qyrkúıek aıynda joldastyq kezdesýde 3:2 esebimen qapy qaldyrdy.

Bul jupta jeńgen komanda Frantsııa men Paragvaı jubynyń jeńimpazymen oınaıdy.

Qazaqstan bıyl D tobynda Ispanııamen 1:1 esebimen teń oınasa, odan keıin Lıvııany 4:1, Jańa Zelandııany 10:0 esebimen tize búktirdi. Nátıjesinde óz tobynda Ispanııany alǵa jiberip, ekinshi oryn aldy.

Odan keıin 1/8 fınalda Portýgalııany 2:1 esebimen jeńip, shırek fınalǵa shyqty.

Qazaqstan quramasy qazirge deıin álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.

Argentına quramasy álem chempıonatyna toǵyz márte qatysty. 2016 jyly álem chempıony ataǵyn jeńip alsa, 2021 jyly kúmis júldeger boldy.

Bıyl álem chempıonatynda el namysyn Narýn Serikov, Leonardo Igıta, Arnold Knaýb, Rınat Tóreǵazın, Aqjol Dáribaı, Ábdirasýl Ábdimanapuly, Azat Valıýllın, Leo, Albert Aqbalyqov, Shyńǵys Esenamanov, Birjan Orazov, Dáýren Tursaǵulov, Jahangır Rashıt jáne Dýglas Jýnıor syndy sportshylar qorǵap jatyr.

Eske salsaq, budan buryn jartylaı fınalǵa Brazılııa men Ýkraına quramalary joldama aldy.