Fýtzaldan Eýro-2023: Qazaqstannyń jastar quramasy irikteý týrnırin jeńilispen bastady

ASTANA. QazAqparat– Qazaqstannyń 19 jasqa deıingi jastar quramasy fýtzaldan 2023 jylǵy Eýropa chempıonatynyń irikteý týrnırindegi alǵashqy matchyn ótkizdi, dep habarlaıdy QazAqparat Sports.kz-ke silteme jasap.

Alǵashqy oıynda qazaqstandyqtar polshalyq qatarlastarymen kezdesip, olarǵa 2:3 esebimen ese jiberdi. Jeńimpazdar arasynan Shımon Lıchnerskı (1-shi jáne 2-shi mınýtta) men Oskar Dmohevıch (29-shy mınýtta) mergendik tanytsa, Qazaqstan quramasy sapynan Damır Qaıyrbaı (16-shy mınýt) men Aleksandr Derıabın (33-shi mınýt) gol soqty.

23 naýryzda jastar quramasy Moldova quramasymen oınaıdy. Match Astana ýaqytymen 22:00-de bastalady. Sodan keıin Qazaqstan quramasy 25 naýryzda Slovenııaǵa qarsy oınap, irikteý týrnırindegi qorytyndy matchyn ótkizedi.