Fýtzaldan Chempıondar lıgasy: «Qaırat» vengrııalyq «Haladash» komandasymen teń tústi

<p>Fýtzaldan qazaqstandyq &laquo;Qaırat&raquo; klýby Chempıondar lıgasynyń negizgi satysynda alǵashqy oıynyn búgin Vengrııanyń &laquo;Haladash&raquo; komandasyna qarsy ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Qaırat» úshinshi topta Ispanııanyń «Palma», Vengrııanyń «Haladash» jáne Lıýksembýrgtiń «Dıfferdanj» komandalarymen kezdesedi.

Búgingi kezdesýde vengrııalyq oıynshylar belsendi bastady. Nátıjesinde Zoltan Drot 4-mınýtta esep ashyp ketti.

Odan keıin qazaqstandyq komanda shabýylǵa kóbirek kóńil bóldi.

Dese de qarsylas ujym qorǵanysty kúsheıtip, bul shabýylǵa tótep berip jatty.

Oıynnyń 15-mınýtynda «Qaırat» sapynan Albert Aqbalyqov tarazy basyn teńestirse, 21-mınýtta Aleks Vıana almatylyq klýbty alǵa shyǵardy.

Al 39-mınýtta vengrııalyq komandadan Santos Kassemıro qorytyndy esepti belgiledi.

Osylaısha komandalar 2:2 esebine qanaǵat bildirdi.

Endi qazaqstandyq klýb aldaǵy oıynyn 29 qazanda Ispanııanyń «Palma» komandasymen kezdesedi.

Ár toptan alǵashqy úsh oryndaǵy komandalar elıtaly satyǵa joldama alady. Ol oıyndar bıylǵy 28 qarasha - 3 jeltoqsan aralyǵynda ótedi.

Eske salsaq, budan buryn «Qaırat» birinshi oıynynda Lıýksembýrgtiń «Dıfferdanj» komandasyn jeńgen edi.