ASTANA. KAZINFORM — 28 qarashaǵa qaraǵan túni «Qaırat» pen «Semeı» fýtzaldan Chempıondar lıgasy elıtalyq kezeńindegi bastapqy matchtaryn ótkizedi.
Almatylyqtar frantsııalyq «Etýalmen» alańǵa shyqsa, «Semeı» ıspanııalyq «Palmamen» sheberlik baıqasady.
Qazaqstan ýaqytymen saǵat 00.20-da «Qazaqstan» telearnasynan «Qaırat» - «Etýal» matchy tikeleı efırde kórsetiledi.
Saǵat 00.35-ten bastap «Qazsport» telearnasynan «Semeı» — «Palma» oıynyn qaraýǵa bolady.
Almatylyqtar V tobynda sondaı-aq horvatııalyq «Olmıssým» jáne «Fýtzal Dınamo» komandalarymen kezdesedi. Semeılikter D tobynda «Palmadan» basqa «Rekord Belsko-Bıala» (Polsha) jáne slovakııalyq «Mımel Lýchenets» klýbtarymen oınaıdy.
Fınaldyq kezeńge tórt toptyń jeńimpazdary ǵana joldama alady.
Eske sala keteıik, budan buryn «Semeıdiń» fýtzaldan Chempıondar lıgasynyń elıtalyq kezeńine joldama alǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).