Fýtzaldan Chempıondar lıgasy: «Qaırat» búgin «Dobovets» komandasymen kezdesedi

<p>&laquo;Qaırat&raquo; fýtzal komandasy Chempıondar lıgasy elıtalyq satysyndaǵy úshinshi oıynyn búgin, 2 jeltoqsanda Slovakııanyń &laquo;Dobovets&raquo; klýbyna qarsy ótkizedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qazaqstandyq komanda Kosovonyń Prıshtına qalasynda V tobynda «Benfıka» (Portýgalııa), «Dobovets» (Slovenııa) men «Prıshtına» (Kosovo) komandalarymen synǵa túsiip jatyr.

«Qaırat» pen «Dobovets» kezdesýi elorda ýaqytymen 21:50-de «Qazsport» telearnasynan tikeleı efırde kórsetiledi.

Slovenııalyq komanda 1978 jyly qurylǵan. 1995 jylǵa deıin áýesqoı ujymdar arasynda oıyn kórsetti. Qazirge deıin óz elinde alty márte chempıon atandy.

Aıta ketsek, qazaqstandyq ujym qazirge deıin «Benfıkadan» 2:3 esebimen jeńilse, «Prıshtınany» 11:2 esebimen súrindirdi.

Qazaqstandyq komanda Chempıondar lıgasynda bıyl 20 márte baq synap, Eýropa qurlyǵyndaǵy komandalar arasynda absolıýtti rekordty tirkedi.

Sondaı-aq, almatylyq klýb 2012/2013, 2014/2015 jyldarda atalǵan týrnırde jeńimpaz atanǵan edi.