Fýtzaldan Chempıondar lıgasy: «Aıat» Ýkraınanyń «Hıtimen» teń tústi

<p>Fýtzaldan qazaqstandyq &laquo;Aıat&raquo; klýby búgin Chempıondar lıgasynyń negizgi satysynda úshinshi oıynyn Ýkraınanyń &laquo;Hıt&raquo; komandasymen ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qazaqstandyq klýb birinshi topta synǵa túsedi. Qarsylastary Portýgalııanyń «Sportıng», Horvatııanyń «Olmıssým» jáne Ýkraınanyń «Hıt» komandalary.
Alǵashqy eki oıynda qazaqstandyqtar qarsylastaryna ese jiberdi. Aldymen, «Olmıssýmnen» - 2:3, «Sportıngten» 1:6 esebimen jeńildi. 

Sondyqtan qazaqstandyq klýb búgingi kezdesýde barynsha jınaqy qımyl kórsetti. Nátıjesinde Abdırasýl Ábdimanauly - 6, Evgenıı Kozyrchıkov 9-mınýtta mergendik tanytty.

Oıynnyń sońǵy mınýttarynda ýkraınalyq komanda eki gol soǵyp, tarazy basyn teńestirip ketti.

Osylaısha komandalar 2:2 esebimen teń tústi.

Endi atalǵan topta «Sportıng» jáne «Olmıssým» komandalary kezdesedi.

Sondaı-aq Chempıondar lıgasy úshinshi tobynda synǵa túsip jatqan almatylyq «Qaırat» sońǵy oıynda Ispanııanyń «Palmasymen» oınaıdy. Olar budan buryn Lıýksembýrgtiń «Dıfferdanjyn» 4:2 esebimen utsa, Vengrııanyń «Haladashymen» 2:2 esebimen teń boldy.