Fýtzaldan álem chempıonaty: Іrikteý satysynyń oıyn kestesi anyqtaldy

ASTANA. QazAqparat - Fýtzaldan 2024 jylǵy álem chempıonaty elıtalyq irikteý kezeńiniń oıyn kestesi belgili boldy, dep habarlaıdy QazAqparat tilshisi.

Qazaqstan quramasy A tobynda synǵa túsedi. Qarsylastary - Rýmynııa, Ázerbaıjan jáne Nıderland quramalary.

Qazaqstandyq fýtzalshylar alǵashqy oıynyn 15 qyrkúıekte syrt alańda Nıderlandqa qarsy ótkizedi. Odan keıin 20 qyrkúıekte óz alańynda Rýmynııany qabyldasa, 6 qazanda syrt alańda Ázerbaıjanmen sheberlik baıqasady.

Al 11 qazan men 14 jeltoqsanda óz alańynda Ázerbaıjan jáne Nıderland quramalarymen kezdese, 20 jeltoqsanda Rýmynııaǵa barady.

Aıta ketsek, el quramasy álem chempıonatynyń fınaldyq satysynda 2000, 2016, 2021 jyldarda synǵa tústi. Olar 2021 jyly 4-orynǵa taban tiredi.

2024 jylǵy qyrkúıek-qazan aralyǵynda álem chempıonaty Ózbekstanda ótkiziledi.