Fýtzaldan ÁCh: Qazaqstan Ózbekstan quramasyn jeńdi

ASTANA. QazAqparat - Malaızııada estý qabiletinen aırylǵan 21 jasqa deıingi sportshylar arasynda fýtzaldan álem chempıonaty ótip jatyr. Onda Qazaqstan quramasy sátti óner kórsetýde, dep habarlaıdy QazAqparat Futsal Kazakhstan-paraqshasyna silteme jasap.

Qazaqstan komandasy ózbekstandyq qarsylastaryn 9:4 esebimen aıqyn basymdyqpen jeńdi.

Oıyn basynda qazaqstandyqtardyń qorǵanystaǵy qateligin utymdy qoldanǵan ózbek sportshylary esep ashyp, 0:2 nátıjesimen alǵa shyqty.

Degenmen el fýtbolshylary tez jınaqtalyp, birneshe mınýtta 4 gol soǵyp, esepti óz enshilerine burdy.

Endi Qazaqstan quramasy «A» tobynyń 1/4 fınalynda kelesi oıyndy 11 jeltoqsanda Ázerbaıjan komandasyna qarsy ótkizedi. Jartylaı fınalǵa ótken jaǵdaıda sportshylarymyz Malaızııa - Taıland matchynyń jeńimpazymen kezdesetin bolady.

Buǵan deıin habarlaǵanymyzdaı, qazaqstandyqtar álem chempıonatyndaǵy alǵashqy kezdesýinde Qytaı quramasyn 22:0 esebimen oısyrata jeńgen edi.