Fýtzal: Qazaqstan quramasy joldastyq kezdesýde Tájikstandy jeńdi

<p>ASTANA. KAZINFORM - Fýtzaldan Qazaqstan quramasy Tájikstanmen joldastyq kezdesý ótkizdi. Kezdesý barysynda el quramasynan Birjan Orazov, Dáýren Tursagulov jáne Aqjol Dáribaı mergendik tanytty.</p>

Osylaısha qazaqstandyq fýtzalshylar 3:0 esebimen basym tústi.

Endi eki qurama 24 tamyzda taǵy bir márte joldastyq kezdesý ótkizedi.

Ulttyq quramanyń oqý-jattyǵý jıyny 5 tamyz kúni Almaty qalasynda bastaldy. Fýtbolshylardy babyna keltirý protsesin qamtıtyn birinshi kezeń 18 tamyzǵa deıin jalǵasty.

Endi qurama 5 qyrkúıekke deıin Astanada jattyǵady. Ekinshi oqý-jattyǵý jıyny barysynda Qazaqstan quramasy Tájikstanmen 22-24 tamyz kúnderi eki márte joldastyq kezdesý ótkizedi.

Odan keıin Qazaqstan quramasynyń Iranǵa qarsy eki joldastyq matchy josparlanǵan. Oıyndar 30 tamyz jáne 1 qyrkúıekke belgilengen.

Jıynnyń qorytyndy kezeńi Almatyda 6-10 qyrkúıek aralyǵynda bolady. 7 qyrkúıek kúni Qazaqstan quramasy Argentınamen sheberlik baıqasady.

Aıta ketsek, bıyl álem chempıonaty 14 qyrkúıek pen 6 qazan aralyǵynda Ózbekstanda ótedi.
Qazaqstan quramasy Ispanııa, Lıvııa jáne Jańa Zelandııa quramalarymen kezdesedi.