Fýtboldan ulttyq jáne jastar quramalaryna jańa bapkerler keldi
Bul jóninde Qazaqstan fýtbol federatsııasy málim etti.
Qazaqstan ulttyq quramasyna bas bapker qyzmetine Talǵat Baısýfınov keldi. Ol 1968 jyly dúnıege kelgen. Fýtbolshylyq mansabynda Pavlodardyń «Traktor» (qazirgi «Ertis»), Ermaktyń «Metallýrg», Jezzǵazǵannyń «Eńbek», Ekibastuzdyń «Ekibastuz», Taldyqorǵannyń «Jetisý», Óskemenniń «Vostok» komandalarynda oınady. Bapkerlik qyzmetinde «Esil-Bogatyr», Stepnogorskiniń «Aqsý», Pavlodardyń «Ertis», Oraldyń «Aqjaıyq» komandalarynda jetekshilik jasady. 2016-2017 jyldarda Qazaqstan ulttyq quramasynyń tizginin ustady.
Qazaqstan ulttyq quramasy bıyl Ulttar lıgasynda S dıvızıonynda synǵa túsip, tórtinshi topta sońǵy oryndy mise tutty.
Al elimizdiń 21 jasqa deıingi jastar quramasy endi Qaırat Nurdáýletov jattyqtyrady .
Q.Nurdáýletov 1982 jyly dúnıege kelgen. Ol fýtbolshylyq mansabynda Almatynyń TsSKA-«Qaırat», «Qaırat», Petropavldyń «Esil-Bogatyr» (qazirgi «Qyzyljar»), Pavlodardyń «Ertis», elordalyq «Astana», Qostanaıdyń «Tobyl» jáne Qyzylordanyń «Qaısar» komandalarynda oıyn kórsetken.
Elimizdiń ulttyq quramasy sapynda 2003-2013 jyldar aralyǵynda oıyn kórsetip, 35 kezdesýde jasyl alańǵa shyqty. Birneshe oıynda kapıtandyq mindetti atqardy.
2017 jyldan beri Qazaqstan ulttyq jáne 21 jasqa deıingi jastar quramasynda bas bapkerdiń kómekshisi qyzmetin atqardy.
Esterińizge sala ketelik, Qazaqstan 21 jasqa deıingi jastar quramasy 2021 jylǵy Eýropa chempıonatyna irikteý satysynda altynshy topta tórtinshi oryndy saqtap qaldy.