Fýtboldan Ulttar lıgasy: Qazaqstan men Moldova oıynyn qaı telearnadan kórýge bolady

NUR-SULTAN. QazAqparat - Fýtboldan Qazaqstan ulttyq quramasy búgin, 24 naýryzda Moldovamen UEFA Ulttar lıgasy ótpeli satysynyń alǵashqy oıynyn ótkizedi, dep habarlaıdy QazAqparat tilshisi.

Qazaqstan jáne Moldova quramalarynyń kezdesýi 24 naýryzda elorda ýaqytymen 23:00-de bastalady. Oıyn «Qazsport» telearnasynan tikeleı efırde kórsetiledi.

Qazaqstan quramasy óziniń resmı sońǵy matchyn ótken jyldyń qarasha aıynda ótkizdi. Álem chempıonaty irikteý kezeńinde D tobynda Frantsııa, Ýkraına, Fınlıandııa, Bosnııa jáne Gertsogovına synǵa túsken qazaqstandyqtar óz tobynda besinshi oryndy mise tutty.

Al F tobynda oınaǵan Moldova altynshy oryn aldy.

Atalǵan kezdesýge qazylyq etetin tóreshiler belgilendi. Bas qazy qyzmetin grekııalyq Anastasıos Sıdıropýlos atqarady. Oǵan otandastary Polıhronıs Kostaras pen Lazaros Dımıtrıadıs kómekshilik jasaıdy.

Aıta ketsek, eki qurama jarystyń atalǵan satysynda 29 naýryzda taǵy bir márte kezdesedi. Jeńimpaz qurama aldaǵy kezeńde S lıgasyndaǵy ornyn saqtap qalsa, jeńilgeni D lıgasynda synǵa túsedi.

Eske salsaq, budan buryn Qazaqstan quramasy sapynda Moldovaǵa qarsy quramyn jarııalaǵan edik.