Fýtboldan «Turan» komandasyna bas bapker taǵaıyndaldy

NUR-SULTAN. QazAqparat - Reseılik maman Vladımır Gazzaev Túrkistannyń «Turan» komandasyna bas bapker bolyp taǵaıyndaldy, dep habarlaıdy QazAqparat tilshisi.

Bul jóninde komandanyń baspasóz qyzmeti resmı túrde málim etti.

Vladımır Gazzaev 1980 jyly 1 shildede dúnıege kelgen. 1997-1998 jyldarda Vladıkavkazdyń «Alanııa» komandasynda kásibı fýtbolshy esebinde dop tepken.

2009 jyldan beri bapkerlikke bet buryp, 2014 jylǵa deıin «Alanııa» klýbynda bapker, bas bapker qyzmetterin atqardy. Odan keıin Qazaqstannyń «Aqtóbe», «Tobyl», Grýzııanyń «Rýstavı», Reseıdiń «Ýrojaı» komandalaryna jetekshilik etti.

«Reseılik maman «Aqtóbe» men «Tobyl» klýbtarynda jaqsy nátıje kórsetti. Qazaqstandyq jankúıerlerdiń esinde qaldy», - dep málim etti komanda basshylyǵy.