«Shahter» fýtbol komandasynyń bas bapkeri qyzmetinen ketti

<p>ASTANA. KAZINFORM - Fýtboldan Qaraǵandynyń &laquo;Shahter&raquo; komandasynyń bas bapkeri Igor Soloshenko óz erkimen qyzmetinen ketti.</p>

Bul jóninde komandanyń baspasóz qyzmeti málim etti.

Igor Soloshenko 1996-2013 jyldarda kásibı fýtbolda qazaqstandyq «Shahter», «Jeńis», «Tobyl», «Ertis», «Oqjetpes», «Aqjaıyq» komandalarynda qorǵaýshy mindetin atqardy.

Ulttyq qurama sapynda 1998-2005 jyldarda el namysyn qorǵady.

2015 jyldan beri «Shahter» sapynda sport dırektory qyzmetin atqarsa, odan keıin bapker boldy. 2020-2023 jyldarda «Shahter-Bolat» klýbynda bas bapker qyzmetinde eńbek etti.

Ótken jyldan beri «Shahterdiń» tizginin ustady. Byltyr el birinshiliginde komanda 11-orynǵa turaqtap, Premer-lıgadaǵy ornyn saqtap qaldy.

Bıyl qaraǵandylyq klýb 3 týrdan keıin birde-bir upaıǵa qol jetkize almaı, týrnır kestesinde eń sońǵy oryndy mise tutyp tur.

Endi qaraǵandylyq ujymnyń bas bapkeri mindetin Andreı Fınonchenko atqarady.