Fýtboldan premer-lıga: «Maqtaaral» on birinshi orynǵa kóterildi

ASTANA. QazAqparat – Búgin fýtboldan premer-lıga komandalary arasyndaǵy el birinshiliginiń 21-týrynyń alǵashqy oıyn kúni aıaqtaldy., dep habarlaıdy QazAqparat tilshisi.

Búgin saǵat 17:00-de «Oqjetpes» pen «Kaspıı» 3:3 esebine qanaǵat bildirdi.

Kezdesý barysynla kókshetaýlyq klýbtan Sanat Jumahanov 15, Srdjan Dmıtrov 22, 81-mınýtta mergendik tanytsa, oǵan aqtaýlyq komandadan Danııar Úsenov 44, 69, Georgıı Býgýlov 53-mınýtta úsh golmen jaýap qaıyrdy.

Kósh sońynda kele jatqan «Maqtaaral» upaı qoryn molaıtýǵa kúsh salyp keledi. Búgin «Shahter» kezdesýinde olardyń qatarynan Ádilhan Dobaı 5, Toqtar Jańǵylyshbaı 7, Bılal Sebaıhı 34-mınýtta gol soqty. Qaraǵandylyq komanda oıynshysy Temýr Chogadze 27-mınýtta kózdegen nysanadan múlt ketken joq.

Osylaısha «Maqtaaral» qarsylasynan 3:1 esebimen basym túsip, týrnır kestesinde 11-orynǵa kóterildi.

Al «Qaısar» men «Jetisý» kezdesýinde

Oıynnyń birinshi kezeńinde 36-mınýtta qyzylordalyq klýbtan Dmıtrıı Borodın penaltıden múlt ketken joq.

Ekinshi kezeńniń 52-mınýtynda «Jetisý» sapynan Nıkola Tsýrchıch tarazy basyn teńestirdi.

Komandalar 1:1 esebine qanaǵat bildirdi.

Endi 27 tamyzda «Qyzyljar» men «Aqsý», «Qaırat» pen «Astana», «Atyraý» men «Aqtóbe», «Tobyl» men «Ordabasy» oınaıdy.

Aıta ketsek, qazirge deıin kósh basynda 48 upaımen «Ordabasy» keledi. Odan keıingi oryndardaǵy «Aqtóbe» men «Astananyń» enshisinde 40 upaıdan bar.

Eske salsaq, budan buryn fýtboldan birinshi lıgada «Elimaı» qatarynan toǵyzynshy márte jeńiske jetti.