Fýtboldan premer-lıga: 13-týr oıyndarynyń kestesi jarııalandy

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 13-týry bastalady, dep habarlaıdy QazAqparat tilshisi.

Atalǵan týr 24, 25 maýsym jáne 2 shilde kúnderi ótedi. Búgin 3 oıyn bolsa, erteń jáne 2 shilde eki-ekiden kezdesý belgilengen.

Búgin, 24 maýsymda 19:00-de «Atyraý» men «Tobyl» (Qostanaı) atalǵan týrdyń alǵashqy oıynyn ótkizedi.

Al 20.00-de «Shahter» (Qaraǵandy) men «Jetisý» (Taldyqorǵan), 21:00-de «Aqsý» (Pavlodar oblysy) men «Ordabasy» (Shymkent) sheberlik baıqasady.

Sondaı-aq, 25 maýsymda 18:00-de «Oqjetpes» (Kókshetaý) pen «Qaısar» (Qyzylorda), 20.00-de «Aqtóbe» men «Maqtaral» (Túrkistan oblysy) oınaıdy.

2 shildede «Qyzyljar» (Petropavl) men «Qaırat» (Almaty), «Kaspıı» (Aqtaý) men «Astana» kezdesedi.

Eske salsaq, budan buryn fýtboldan birinshi lıgada «Turan» «Elimaıǵa» jaqyndaı tústi.