Fýtboldan premer-lıga: 10-týr oıyndarynyń kestesi jarııalandy

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 10-týry bastalady, dep habarlaıdy QazAqparat tilshisi.

Atalǵan týr 20, 21 mamyr kúnderi ótedi. Búgin 3 oıyn bolsa, erteńge qalǵan 4 kezdesý belgilengen.

Búgin, 20 mamyrda saǵat 17:00-de «:Jetisý» (Taldyqorǵan) men «Atyraý», «Shahter» (Qaraǵandy) men «Aqsý» (Pavlodar oblysy) kezdesýi bastalady.

Odan keıin 19:00-de «Astana» men «Qyzyljar» (Petropavl) sheberlik baıqasady.

Al 21 mamyrda 16:00-de «Tobyl» (Qostanaı) men «Maqtaral» (Túrkistan oblysy), 18:00-de «Qaırat» (Almaty) pen «Qaısar» (Qyzylorda) oınaıdy.

Sondaı-aq, 20:00-de «Aqtóbe» men «Kaspıı» (Aqtaý) jasyl alańǵa shyǵady.

Atalǵan týrdy saǵat 21:00-de «Ordabasy» (Shymkent) men «Oqjetpes» (Kókshetaý) komandalary túıindeıdi.

Eske salsaq, fýtboldan birinshi lıgada «Taraz» qatarynan besinshi márte jeńildi.