Fýtboldan Parıj Olımpıadasynyń fınalynda kimder oınaıdy

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda fýtboldan jartylaı fınaldyq kezeńiniń matchtary aıaqtalyp, fınalıster anyqtaldy.</p>

Fınalǵa Frantsııa quramasy men Ispanııa quramasy shyqty. Endi eki komanda arasyndaǵy fınaldyq match 9 tamyz kúni Astana ýaqyty boıynsha saǵat 21:00-de ótedi.

Jartylaı fınalda Frantsııa fýtbol quramasy Mysyrdy 3:1 esebimen qosymsha ýaqytta jeńip, Olımpıada oıyndarynyń fınalyna shyqsa, Ispanııa quramasy Marokkony 2:1 esebimen jeńip, ekinshi fınalıst atandy.

Al Mysyr pen Marokko arasyndaǵy qola júlde úshin bolatyn kezdesý 8 tamyzda saǵat 18:00-de bastalady.

Esterińizge sala keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.