Fýtboldan Olımpıadanyń shırek fınalyna shyqqan komandalar belgili boldy

<p>PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda erler arasyndaǵy (U-23) fýtbol dodasynyń toptyq kezeńi aıaqtalyp, shırek fınalǵa shyqqan barlyq qurama anyqtaldy.</p>

Olımpıadanyń toptyq kezeńinde 16 komanda ózara baq synady. Nátıjesinde ár toptaǵy úzdik 2 qurama pleı-off kezeńine joldama alyp otyrdy.

A tobynda Frantsııa men AQSh, V tobynda Marokko men Argentına, S tobynda Mysyr men Ispanııa, al D tobynan Japonııa men Paragvaı kelesi kezeńge ótti. 

Endi shırek fınalda Frantsııa men Argentına, Mysyr men Paragvaı, Marokko men AQSh jáne Japonııa men Ispanııa ózara myqtyny anyqtaıdy. 

Shırek fınal 2 tamyzda, jartylaı fınal 5 tamyzda ótedi.

Al qola medal úshinshi básekeler 8 tamyzǵa, fınal 9 tamyzǵa josparlanǵan.

Esterińizge sala ketsek, búgin shildeniń sońǵy kúninde Parıj Olımpıadasynda qazaqstandyq sportshylar sporttyń bes túrinen — trıatlon, stend atý, boks, sporttyq gımnastıka jáne oq atýdan jarys jolyna shyǵady.

Qazirge elimizdiń quramasy 1 altyn, 2 qola júldemen jalpy medaldar kestesinde 12-shi orynda keledi.