Fýtboldan Lıga kýbogynyń fınaly qaı qalada ótetini belgili boldy

<p>ASTANA. KAZINFORM &ndash; Fýtboldan Lıga kýbogynyń fınaly &laquo;Túrkistan Arena&raquo; stadıonynda ótetin boldy.&nbsp;</p>

Bul oıyn 23 qarashada saǵat 15:00-ge belgilengen. Jalpy júlde qory – 1 mıllıon dollar. 

Bıyl alǵash ret jalaýyn kótergen týrnırde elimizdiń 16 klýby baq synady. Nátıjesinde elordalyq eki komanda fınalǵa deıin jetti. 

«Jeńis» komandasy aldymen V tobynda qostanaılyq «Tobyl» (2:0) jáne qyzylordalyq «Qaısardy» (1:0) jeńip, birinshi oryn aldy. Al jartylaı fınalda almatylyq «Qaıratpen» qos matchtyń qorytyndysy boıynsha 2:2 esebimen teń oınap, penaltı serııasynda (3:2) basym tústi.

«Astana» toptyq kezeńde aqtaýlyq «Kaspıı» (5:0) men qaraǵandylyq «Shahterdi» (2:4) jeńip, D tobynda kóshbasshy boldy. Jartylaı fınalda semeılik «Elimaıdy» jolyǵyp, qos matchta gol soǵylǵan joq. Osyǵan baılanysty jeńimpaz penaltı serııasy(3:1) arqyly anyqtaldy. 

Kýbok ıegeri 90 mıllıon teńge syıaqy alsa, fınalǵa shyqqan klýbqa 50 mıllıon teńge syıaqy tabystalady. 

Eske salsaq, búgin Qazaqstan Premer-lıgasynyń HHV týrynda «Ordabasy» komandasyn jeńgen «Qaırat» chempıondyqqa talasty jalǵastyratyn boldy.