Fýtboldan Qazaqstan jasóspirimder quramasy «Damý Kýbogyna» qatysady

<p>ASTANA. KAZINFORM - Qazaqstannyń 17 jasqa deıingi jasóspirimder quramasy 18-24 aqpan aralyǵynda Belarýs astanasy Mınski qalasynda ótetin &laquo;Damý Kýbogy&raquo; halyqaralyq týrnırine qatysady.</p>

Jasóspirimder quramasynyń oqý-jattyǵý jıyny 10 aqpanda Talǵardaǵy QFF bazasynda ótedi. Quramaǵa qazaqstandyq maman Baýyrjan Saǵyndyq jetekshilik etedi.

Halyqaralyq týrnırge barlyǵy 8 qurama qatysady. Olardyń qatarynda 17 jasqa deıingi Qazaqstan, Tájikstan, Ózbekstan, Reseı, Ázerbaıjan, Belarýs jáne 16 jasqa deıingi Belarýs, Reseı quramalary bar.

Qazaqstandyq fýtbolshylar V tobynda Belarýs (U-16), Tájikstan jáne Reseı (U-17) quramalarymen sheberlik baıqasady. Al A tobynda Belarýs (U-17), Reseı (U-16), Ózbekstan jáne Ázerbaıjan quramalary sheberlik baıqasady.

Aıta ketsek, budan buryn Qazaqstan jasóspirimder quramasynyń aǵa jattyqtyrýshysy taǵaıyndaldy. Bul qyzmetke Baýyrjan Saǵyndyq kelgen bolatyn.