Fýtboldan Qazaqstan jáne Armenııa kezdesýiniń tóreshiler brıgadasy anyqtaldy

<p>ASTANA. KAZINFORM &mdash; Fýtboldan Qazaqstan jáne Armenııa quramalary arasyndaǵy joldastyq kezdesýde grýzııalyq tóreshiler brıgadasy qyzmet atqarady.</p>

Bas tóreshi — Goga Kıkacheıshvılı, oǵan Davıd Ahvledıanı men Davıd Gabısonııa kómekshilik jasaıdy. 

Qosalqy tóreshi — armenııalyq Ashot Galtahchıan.

Aıta ketsek, qazaqstandyq fýtbolshylar 7 maýsymda Armenııa astanasy Erevanda sol eldiń quramasymen sheberlik baıqasady.

Kezdesý saǵat 23:25–te «Qazsport» telearnasynan tikeleı efırde kórsetiledi. 

Eki qurama qazirge deıin jeti márte ózara kezdesti. Onyń tórteýinde Armenııa jeńiske jetse, ekeýinde Qazaqstan basym tústi. Bir oıynda teń nátıje tirkeldi.

Sondaı-aq el quramasy 10 maýsymda Ázerbaıjanmen joldastyq kezdesý ótkizedi.

Kezdesý Vengrııanyń Sombatheı qalasynyń «Haladash» stadıonynda bolady.

Eske salsaq, ÝEFA Ulttar lıgasynyń 2024/25 maýsymynyń jerebe tartý qorytyndysy boıynsha Qazaqstan V lıgasynda Avstrııa, Norvegııa jáne Slovenııa quramalarymen birge úshinshi topqa tústi.

Qazaqstandyq fýtbolshylar alǵashqy oıynyn óz alańynda Norvegııaǵa qarsy ótkizedi.

Aıta ketsek, maýsym aıynyń basynda Stanıslav Cherchesov fýtboldan Qazaqstan quramasy bas bapkeri qyzmetine taǵaıyndaldy.