Fýtboldan Qazaqstan quramasy FIFA reıtınginde segiz satyǵa joǵarylady
17:18, 29 Maýsym 2023
ASTANA. QazAqparat - FIFA jarııalaǵan jańa reıtıngte Qazaqstan ulttyq quramasy segiz satyǵa kóterilip, 104-orynǵa jaıǵasty, dep habarlaıdy QazAqparat tilshisi.
Halyqaralyq fýtbol qaýymdastyqtarynyń federatsııasynyń (FIFA) jańartylǵan reıtıngi búgin, 29 maýsymda shyqty. Qazaqstan quramasy jańartylǵan reıtıngte 8 satyǵa kóterilip, 104-orynǵa jaıǵasty.
Aıta keteıik, qazaqstandyq fýtbolshylar maýsym aıynda 2024 jylǵy Eýropa chempıonatyna irikteý satysynda syrt alańda San-Marıno (3:0) jáne Soltústik Irlandııany (1:0) qapy qaldyrǵan edi.
El quramasy synǵa túsetin H tobynda Danııa -19, Fınlıandııa -54, Slovenııa -60, Soltústik Irlandııa - 64, San-Marıno -211 orynda tur.
Jańartylǵan reıtıngte Argentına kósh basynda tursa, odan keıingi oryndarda Frantsııa men Brazılııa keledi.