Fýtboldan Qazaqstan quramasy Ulttar lıgasyndaǵy eki oıynǵa daıyndyǵyn bastady

<p>ASTANA. KAZINFORM - Fýtboldan Qazaqstan quramasy Ulttar lıgasyndaǵy Aýstrııa men Norvegııaǵa qarsy oıyndarǵa daıyndyǵyn bastady.</p>

El quramasy úshinshi topta synǵa túsedi. Qarsylastary - Aýstrııa, Slovenııa jáne Norvegııa.

Qazaqstandyq fýtbolshylar qazirge deıin Norvegııamen (0:0) teń túsip, odan keıin Slovenııadan (0:3, 0;1) eki márte, Aýstrııadan (0:4) jeńilip qaldy.

Naqty tizimge 27 fýtbolshy endi. Oqý-jattyǵý jıyny 11 qarasha kúni Almatyda bastalady.

Ulttyq qurama oıynshylarynyń tizimi:

Qaqpashylar: Igor Shatskıı («Aqtóbe»), Stas Pokatılov («Tobyl»), Temirlan Anarbekov («Jeńis»);

Qorǵaýshylar: Álibek Qasym («Aqtóbe»), Aleksandr Marochkın, ıAn Vorogovskıı, Marat Bystrov (barlyǵy – «Astana»), Nuraly Álip («Zenıt», Reseı), Roman Asrankýlov, Erkin Tapalov (ekeýi de – «Tobyl»), Sultanbek Astanov («Ordabasy»), Ular Jaqsybaev («Qyzyljar»), Ádilbek Jumahanov («Atyraý»), Meırambek Qalmyrza, Ashat Baltabekov (ekeýi de – «Jetisý»);

Jartylaı qorǵaýshylar: Ashat Taǵybergen, Baýyrjan Islamhan (ekeýi de – «Ordabasy»), Maksım Samorodov («Ahmat», Reseı), Baqtıer Zaınýtdınov («Beshıktash», Túrkııa), Aslan Darabaev («Elimaı»), Elhan Astanov («Astana»), Islam Chesnokov («Tobyl»), Ǵalymjan Kenjebek («Akrıtas», Kıpr);

Shabýylshylar: Abat Aıymbetov («Adana Demırspor», Túrkııa), Aıbar Jaqsylyqov («Qaısar»), Ramazan Kárimov («Astana»), Jan Álı Paırýz («Elimaı»).

Endi el quramasy 14 qarashada Almatyda Aýstrııany qabyldasa, 17 qarashada syrt alańda Norvegııamen oınaıdy.

Osyǵan deıin «Barys» qurlyqtyq hokkeı lıgasynda qatarynan úshinshi márte jeńilgenin jazdyq.