Shveıtsarııanyń Non qalasynda ÝEFA Ulttar lıgasy pleı-off satysynyń jerebesi tartyldy. Onda Qazaqstan quramasynyń jartylaı fınal jáne fınaldyq oıyndaryn qaı alańda ótkizetini belgili boldy, dep habarlaıdy Kazinform.
Qazaqstan quramasy S jolymen 2024 jyldyń 21 naýryzynda jartylaı fınalda syrt alańda Grekııamen kezdesedi. Jeńgen jaǵdaıda 26 naýryzda taǵy da syrt alańda Grýzııa-Lıýksembýrg jubynyń jeńimpazymen sheberlik baıqasady.
Tórt quramanyń arasynan úzdik shyqqany 2024 jylǵy Eýropa chempıonaty fınaldyq satysyna joldama alady.
Qazirge deıin qurlyqtyq dodaǵa irikteý satysy arqyly joldama alǵan 21 qurama belgili boldy. Bul tizimde dúbirli dodany ótkizetin Germanııadan ózge Portýgalııa, Frantsııa, Ispanııa, Belgııa, Anglııa, Vengrııa, Danııa, Albanııa, Avstrııa, Týrtsııa, Rýmynııa, Shotlandııa, Slovenııa, Slovakııa, Chehııa, Nıderland, Horvatııa, Serbııa, Italııa, Shveıtsarııa bar.
Eýropa chempıonatynyń irikteý satysynda el quramasy N tobynda 18 upaımen Fınlıandııamen birge úshinshi-tórtinshi oryndy ózara bólisti.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.