Bas bapkerdiń mindetin ýaqytsha atqarýshy Talǵat Baısýfınov BAQ ókilderi úshin baspasóz máslıhatyn ótkizip, aldaǵy oıyn týraly pikir bildirdi.
- 1 qazannan daıyndyq jumystaryn bastadyq. Biz daıynbyz. Qazirgi ýaqytta Dastan Satpaev jaraqat alyp, aldaǵy oıynǵa qatysa almaıdy. Ol ulttyq quramanyń shaqyrýyna kelip, tolyq medıtsınalyq tekserýden ótti. Jas shabýylshymyz demalý kerek degen sheshimge keldik. Sol sebepti ol úıine qaıtty. Sonymen qatar tájirıbeli qorǵaýshy Sergeı Malyı jaraqatyna baılanysty erteńgi oıynǵa daıyn emes. Alda Soltústik Makedonııamen oıynda alańǵa oralady degen umittemiz, - dedi Baısýfınov.
Bas bapker jattyǵýdan keıin erteńgi oıynǵa shyǵatyn bastapqy quram anyqtalatynyn aıtty.
Osyǵan deıin habarlaǵanymyzdaı, Ulttyq qurama óz alańynda 10 qazanda Lıhtenshteındi qabyldasa, 13 qazanda syrt alańda Soltústik Makedonııamen sheberlik baıqasady.
Sondaı-aq Fýtboldan Qazaqstan quramasynyń aldaǵy eki oıynǵa naqty tizimi jarııalanǵan bolatyn.