Fýtboldan Qazaqstan quramasy Grekııamen oıynǵa daıyndyqty bastady

<p>ASTANA. KAZINFORM - Fýtboldan Qazaqstan ulttyq quramasy Birikken Arab Ámirliginde oqý-jattyǵý jıynyn bastady. El quramasy onda Ulttar lıgasy pleı-off satysyndaǵy qarsylasy Grekııamen oıynǵa qarsy kezdesýge daıyndalady.&nbsp;</p>

Fýtbolshylar Almatydan BAÁ-niń Dýbaı qalasyna jetken. Ulttyq quramaǵa shaqyrtý alǵan oıynshylardyń basym bóligi jınaldy.

Endi Túrkııa men Reseı chempıonatynda oınaıtyn Abat Aıymbetov, Baqtıer Zaınýtdınov, Nuraly Álip jáne Aleksandr Zýev qatarǵa keıin qosylady.

Aıta ketsek, Birikken Arab Ámirlikterinde ótetin oqý-jattyǵý jıyny 19 naýryzǵa deıin sozylady. Jıyn aıasynda 14 naýryz kúni Túrikmenstan quramasymen jabyq joldastyq oıyn ótedi.

Eske salsaq, bas bapker Magomed Adıev 2024 jylǵy Eýropa chempıonaty fınaldyq satysyna joldama alý úshin Grekııamen kezdesýine qatysatyn oıynshylar tizimin jarııalady. Bul tizimge barlyǵy 26 fýtbolshy engen.  

Qazaqstan quramasy S jolymen 2024 jyldyń 21 naýryzynda jartylaı fınalda syrt alańda Grekııamen kezdesedi. Jeńgen jaǵdaıda 26 naýryzda taǵy da syrt alańda Grýzııa-Lıýksembýrg jubynyń jeńimpazymen sheberlik baıqasady.