Fýtboldan Qazaqstan quramasy Armenııamen joldastyq kezdesý ótkizedi

<p>ASTANA. KAZINFORM - Fýtboldan Qazaqstan quramasy 7 maýsymda Armenııamen joldastyq kezdesý ótkizedi. Eki eldiń fýtbol federatsııasy osyndaı sheshimge keldi.</p>

Eki qurama qazirge deıin jeti márte ózara kezdesti. Onyń tórteýinde Armenııa jeńiske jetse, ekeýinde Qazaqstan basym tústi. Bir oıynda teń nátıje tirkeldi. FIFA reıtınginde Armenııa quramasy 93-orynda tur.

Sondaı-aq 14 naýryzda qazaqstandyq fýtbolshylar Birikken Arab Ámirliginde ótetin oqý-jattyǵý jıyny barysynda Túrikmenstan quramasymen joldastyq kezdesý ótkizedi.

Qazaqstandyq fýtbolshylar 2024 jylǵy Eýropa chempıonaty fınaldyq satysyna joldama alý úshin pleı-off satysynda 21 naýryzda Grekııamen kezdesedi. Atalǵan oıynǵa ázirlikti Qazaqstan ulttyq quramasy 8 naýryzda bastaıdy.

Eske salsaq, fýtboldan UEFA Ulttar lıgasynyń jerebesi 8 aqpanda tartylady.