Fýtboldan Qazaqstan kýbogynyń 1/4 oıyndary qaı ýaqytta bastalady

ASTANA. QazAqparat – 7 maýsymda ótetin fýtboldan Qazaqstan kýbogynyń shırek fınalyndaǵy qarymta oıyndardyń qaı ýaqytta bastalatyny belgili boldy, dep habarlaıdy QazAqparat tilshisi.

Jarystyń atalǵan satysynda saǵat 17:00-de «Qyzyljar» (Petropavl) men «Ordabasy» (Shymkent), «Turan» (Túrkistan) men «Astana» komandalary sheberlik baıqasady.

Al 19:00-de «Shahter» (Qaraǵandy) men «Tobyl» (Qostanaı), «Atyraý» men «Qaırat» (Almaty) jasyl alańǵa shyǵady.

Petropavl jáne Qaraǵandy qalalaryndaǵy oıyndar «Qazsport» telearnasynan tikeleı efırde kórsetiledi.

Eske salaıyq, alǵashqy kezdesýde «Astana», «Tobyl» jáne «Ordabasy» óz alańynda «Turan», «Shahter» jáne «Qyzyljardy» birdeı 2:0 esebimen tize búktirgen edi. Al «Qaırat» Almaty qalasynda «Atyraýmen» 1:1 esebimen teń tústi.

Jartylaı fınal oıyndary 28 maýsym jáne 8 shildege belgilengen. Fınal 4 qarasha kúni ótkiziledi.