Fýtboldan Qazaqstan kýbogynda jartylaı fınalǵa shyqqan barlyq komanda anyqtaldy

ASTANA. QazAqparat – Fýtboldan Qazaqstan kýbogy jartylaı fınalyna shyqqan barlyq komanda anyqtaldy, dep habarlaıdy QazAqparat tilshisi.

Jarystyń jartylaı fınalyna taǵy eki joldamaǵa «Tobyl» men «Atyraý» ıe boldy.

Qostanaılyq «Tobyl» syrt alańda Qaraǵandynyń «Shahterine» 0:1 esebimen jeńildi. Alǵashqy oıynda qostanaılyq klýb 2:0 esebimen basym túsken edi.

Al, taǵy bir oıynda «Atyraý» óz alańynda Almatynyń «Qaıratyn» 2:1 esebimen súrindirdi. Birinshi oıynda 1:1 esebimen teń aıaqtaldy.

Aıta ketsek, budan buryn «Ordabasy» men «Astana» jartylaı fınalǵa shyqty.

Eske salsaq, mamyrdyń 7-nen 8-ine qaraǵan túni fýtboldan UEFA Konferentsııa lıgasynyń fınaly ótkiziledi. Bul kúni «Fıorentına» (Italııa) men «Vest Hem ıÝnaıted» (Anglııa) kezdesedi.