Fýtboldan Qazaqstan kýbogynda «Aqtóbe» alǵashqy jeńisine qol jetkizdi

NUR-SULTAN. QazAqparat - Fýtboldan Qazaqstan kýbogynyń toptyq kezeńi besinshi týryndaǵy ekinshi oıyn kúni ótti, dep habarlaıdy QazAqparat tilshisi.

Bul kúni C tobynda «Aqtóbe» óz alańynda Túrkistan oblysynyń «Maqtaral» komandasyn qabyldady. Alań ıeleri tarapynan 85-mınýtta Temirlan Erlanov soqqan gol kezdesý taǵdyryn sheshti.

Osylaısha «Aqtóbe» atalǵan týrnırde alǵashqy jeńisine qol jetkizdi.

Sondaı-aq, 6 tamyzda A tobynda «Atyraý» men «Aksý» komandalary 0:0 esebine qanaǵat bildirdi.

Aıta ketsek, búgin V tobynda «Aqjaıyq» pen «Qaısar» 2:2 esebimen teń tússe, «Shahter» syrt alańda «Turandy» 2:0 esebimen tize búktirdi.

Endi 7 tamyzda A tobynda «Ordabasy» (Shymkent) men «Qaırat» (Almaty), V tobynda «Qyzyljar» (Petropavl) men «Kaspıı» (Aqtaý), S tobynda «Tobyl» (Qostanaı) men «Taraz», D tobynda «Astana» (Nur-Sultan) men «Jetisý» (Taldyqorǵan) komandalary sheberlik baıqasady.