Fýtboldan Qazaqstan kýbogy: «Kaspıı» «Turannan» jeńilip qaldy

ASTANA. QazAqparat - Búgin fýtboldan Qazaqstan kýbogy 1/8 fınalynyń alǵashqy oıynynyń nátıjesi belgili boldy, dep habarlaıdy QazAqparat tilshisi.

Petropavldyń «Qyzyljary» óz alańynda Taldyqorǵannyń «Jetisýyn» 3:0 esebimen súrindirdi.

Oıyn barysynda petropavldyq klýbtan Mladen Veselenovıch - 11, Tımýr Mýldınov - 33, Artem Cheredınov 81-mınýtta mergendik tanytty.

Al aqtaýlyq «Kaspıı» Túrkistannyń «Turanyna» 0:1 esebimen jol berdi. Kezdesý taǵdyryn sheshken goldy Adama Dıallo 16-mınýtta óziniń enshisine jazdy.

Dál óazir «Aqtóbe» - «Atyraý», «Shahter» (Qaraǵandy) - «Oqjetpes» (Kókshetaý) oıyndary ótip jatyr.

Al 19:00-de «Qaırat» (Almaty) - «Aqjaıyq» (Oral), «Tobyl» (Qostanaı) - «Aqsý» (Pavlodar oblysy) sheberlik baıqasady.

Sondaı-aq, 21:00-de «Ordabasy» (Shymkent) - «Maqtaral» (Túrkistan oblysy), «Astana» - «Qaısar» (Qyzylorda) jasyl alańǵa shyǵady.