Fýtboldan Qazaqstan chempıonatynyń alǵashqy týry Tımýr Segizbaevqa arnalady

ASTANA. QazAqparat - Fýtboldan 2023 jylǵy Qazaqstan chempıonatynyń alǵashqy týry qazaqstandyq oıynshy jáne bapker Tımýr Segizbaevtyń qurmetine arnap ótkiziledi, dep habarlaıdy QazAqparat tilshisi.

Ataqty fýtbolshy retinde 19 jasynda Keńes odaǵy chempıonatynda tusaýkeser oıynyn «Qaırat» sapynda bastady. 1963 jyly kýboktyń jartylaı fınalyna shyqqany úshin sport sheberi ataǵyna ıe boldy. Sondaı-aq, alty jyl qatarynan «Qaırat» komandasynyń kapıtany boldy.

Fýtbolshylyq mansabyn aıaqtaǵannan keıin «Avtomobılıst», «Melıorator» (Qyzylorda), «Shahter» (Qaraǵandy), «Qaırat» (Almaty), Iemen quramasynda bapker retinde qyzmet etti.

1989 jyldan bastap 2001 jylǵa deıin elimizdiń fýtbol federatsııasynyń vıtse-prezıdenti, bas hatshysy jáne prezıdenti bolyp qyzmet atqardy.

2014 jyly «Qaırat» fýtbol klýbynyń jasóspirimder akademııasyna Segizbaevtyń esimin berý týraly sheshim qabyldandy.

2017 jyldyń 15 jeltoqsanynda ataqty fýtbolshy ómirden ótti.

Eske salsaq, bıyl fýtbolshy Baýyrjan Islamhan «Ordabasy» klýbynda oınaıdy.