Fýtboldan Qazaqstan áıelder quramasy FIFA reıtınginde eki satyǵa joǵarylady

ASTANA. QazAqparat - Halyqaralyq fýtbol federatsııasynyń resmı saıty áıelder quramasynyń jańartylǵan reıtıngin jarııalady, dep habarlaıdy QazAqparat tilshisi.

Qazaqstan áıelder quramasy jańartylǵan reıtıngte eki satyǵa joǵarylady. Olar budan buryn 101-orynda turǵan edi.

Endi 99-orynǵa kóterilip, 1205.62 upaıdy enshiledi.

Bul kórsetkishi boıynsha reıtıngte Estonııa(98-oryn, 1211.02 upaı) jáne Farer araldary (100-oryn, 1201.16 upaı) qatar tur.

Reıtıngtiń kósh basynda AQSh áıelder quramasynyń enshisinde 2090.03 upaı bar.

Eske salsaq, fýtboldan Qazaqstan jastary Moldovamen joldastyq kezdesý ótkizedi.

Elimizdiń 18 jáne 19 jasqa deıingi jasóspirimder jáne jastar quramalary Moldovada joldastyq kezdesý ótkizedi. Bul oıyndar 14-19 maýsym aralyǵyna josparlanǵan.

Qazaqstandyq fýtbolshylar Moldova jasóspirimder quramasy jáne «Sherıf» jastar komandasymen joldastyq match ótkizedi.