Fýtboldan Kanada quramasy álem chempıonatyndaǵy alǵashqy golyn soqty

ASTANA. QazAqparat – Qatarda fýtboldan ótip jatqan álem chempıonatynda Horvatııamen matchta Kanada úshin tarıhı derek tirkeldi, dep habarlaıdy QazAqparat tilshisi.

Oıyn bastalysymen-aq úıeńki eliniń basty juldyzy, 21 jastaǵy Alfonso Devıs mergendigimen kózge tústi.

Oń qanattaǵy Rıchı Lareıadan pas alǵan A.Devıs baspen dopty qaqpaǵa dál túsirdi. Osylaısha, ol Kanada quramasynyń álem chempıonatyndaǵy alǵashqy golyn soqty.

Buǵan deıin kanadalyqtar 1986 jylǵy birinshilikte óner kórsetip, upaı túgili, birde-bir gol soǵa almaı ketken edi.

«Bavarııa» (Mıýnhen) klýbynyń qorǵaýshysy A.Devıstiń Belgııamen ótken oıynda da gol soǵatyndaı múmkindigi bolyp edi. Alaıda ol 11 metrlik núkteden múlt ketti.

F tobynda búgin Belgııany Marokko 2:0 esebimen utyp ketti.

Al Horvatııa Kanadadan ese qaıyra ala, ony báseke barysy kórsetedi.

Eske sala keteıik, budan buryn Kılıan Mbappeniń Frantsııany pleı-off kezeńine shyǵarǵanyn jazǵan bolatynbyz.

Foto: Getty Images