Fýtboldan Eýropa chempıonatyn otandyq telearnalardan 2,5 mln kórermen tamashalady

NUR-SULTAN. QazAqparat - Fýtboldan UEFA EURO 2020 týrnırin bir aı boıy otandyq telearnalardan 2,5 mıllıon qazaqstandyq tamashalaǵan, dep habarlaıdy QazAqparat.

«Qazaqstan» teleradıokorporatsııasy TNS Central Asia zertteý kompanııasynyń derekterine súıene otyryp, fýtbol matchtaryn telearnalar arqyly tamashalaǵan kórermen sanyn jarııalady.

«Qazaqstan» jáne «Qazsport» telearnalaryndaǵy 51 oıynnyń jalpy kórermender sany 2 486 184 myń adamdy qurady.

Onyń ishinde eń kóp kórermen jınaǵan TOP-5 matchtyń qatarynda Anglııa – Germanııa, Portýgalııa – Germanııa, Horvatııa – Ispanııa, Ýels – Danııa, Danııa – Belgııa arasyndaǵy kezdesýler tur.

Bes oıynnyń jalpy jankúıerler sany - 885 460 adam.

«Qazaqstan» jáne «Qazsport» telearnalarynyń resmı saıty jáne Qazaqstan.tv mobıldi qosymshasy arqyly eń kóp qaralǵan matchtar bestigin Italııa-Anglııa arasyndaǵy oıyn bastap tur.

Fınaldyq matchty 281 339 kórermen onlaın tamashalaǵan.

Saıt jáne mobıldi qosymsha arqyly eń kóp qaralǵan oıyndar:

Vengrııa – Portýgalııa (155 483 kórermen);

Túrkııa – Italııa (131 590 kórermen);

Frantsııa – Germanııa (114 374 kórermen);

Belgııa – Reseı (103 764 kórermen).

TNS Central Asia kompanııasynyń zertteýleri 100 myńnan asa turǵyny bar qalalar arasynda júrgiziletinin eske salamyz.

UEFA EURO 2020 oıyndaryn Qazaqstan aýmaǵynda kórsetý quqyǵyn tek «Qazaqstan» jáne «Qazsport» telearnalary ıelendi.