Fýtboldan Eýropa chempıonaty: Ispanııa jartylaı fınalǵa shyqty
Shırek fınal satysynda búginge eki oıyn josparlanǵan.
Alǵashqysynda Shveıtsarııa men Ispanııa sheberlik baıqasty.
Eki qurama buǵan deıin 24 márte kezdesti. Onyń 18-de Ispanııa basym túsip, 1-de Shveıtsarııa jeńse, qalǵanynda teń esep tirkeldi.
2010 jyldyń 16 maýsymynda álem chempıonaty fınaldyq satysynda Shveıtsarııa atalǵan qarsylasynan 1:0 esebimen jeńilgen bolatyn.
Búgingi oıynda shveıtsarııalyq fýtbolshylar jeńiske jetý jolyn izdedi. Kezdesýdiń bastapqy kezeńinde ıspanııalyq qurama belsendiligi baıqalyp turdy.
Nátıjesinde 8-mınýtta olardyń tepken doby shveıtsarııalyq Denıs Zakarııaǵa tıip, baǵytyn ózgertti. Osylaısha olar ózderiniń qaqpasyna avtogol soǵyp aldy.
Ekinshi kezeńniń 68-mınýtynda shveıtsarııalyq Sherdan Shakırı tarazy basyn teńestirip ketti.
Budan keıin olardyń qatarynan Remo Froıler qyzyl qaǵaz alyp, alańnan qýyldy. Shveıtsarııa budan keıin qorǵanysqa ketken joq. Qolaıly sátterde alǵa qaraı umtyldy.
Oıynnyń negizgi kezeńinde 1:1 esebi tirkeldi. Kezdesý overtaımǵa ulasty. Overtaımda da jeńimpaz anyqtalǵan joq.
Penaltı serııasynda ıspanııalyq fýtbolshylardyń joly bolyp, jartylaı fınalǵa shyqty.
Endi olar jartylaı fınalda 6 shildede Belgııa men Italııa jubynyń jeńimpazymen jasyl alańǵa shyǵady.
Búgingi taǵy bir kezdesýde Belgııa men Italııa quramalary jasyl alańǵa shyǵady. Oıyn elorda ýaqytymen 00.50-de bastalyp, «Qazaqstan» telearnasynan tikeleı efırde kórsetiledi.
Sondaı-aq, jarystyń atalǵan satysynda 3 shildede Chehııa men Danııa, Ýkraına men Anglııa quramalary kezdesedi.