Fýtboldan Eýropa chempıonaty: Búgingi oıyndy qaıdan kórýge bolady

NUR-SULTAN. QazAqparat - Búgin fýtboldan Eýropa chempıonatynyń alǵashqy jartylaı fınalynda Italııa men Ispanııa quramalary kezdesedi, dep habarlaıdy QazAqparat tilshisi.

Eki qurama buǵan deıin 38 márte kezdesti. Onyń 11-de ıtalııalyqtar jeńiske jetip, 12-de ıspandyqtar basym tússe, qalǵanynda teń nátıje tirkeldi.

Atalǵan kezdesý Anglııanyń London qalasyndaǵy «Ýemblı» stadıonynda ótkiziledi.

Oıynda germanııalyq Felıks Brıh bas qazy qyzmetin atqarady. Oǵan otandastary Mark Borsh pen Shtefan Lýpp kómekshilik jasaıdy. Qosalqy tóreshi - reseılik Sergeı Karasev.

Kezdesý elorda ýaqytymen 23.50-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Eske salaıyq, qurlyqtyq doda on altynshy márte ótkizilip otyr. Kári qurlyqta 1960 jyly alǵashqy Eýropa birinshiligi uıymdastyryldy. Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda ótkizilýde. Bul dúbirli dodanyń 60 jyldyq mereıtoıyna oraı uıymdastyrylǵan. Bıylǵy birinshilikte barlyǵy 24 qurama synǵa tústi.

Eske salsaq, shırek fınalda Italııa Belgııadan, Ispanııa Shveıtsarııadan basym tústi.