Fýtboldan el chempıonaty: «Qaıratty» utqan «Aqtóbe» kósh basyna shyqty
Qos komanda da kósh bastaýdan basty úmitker bolǵandyqtan, bul kezdesýdiń tartysty óteri kúmánsiz edi.
Almatylyqtardy qyrǵyzstandyq Kırıll Keker jattyqtyrsa, «Aqtóbe» komandasyn reseılik maman Dmıtrıı Parfenov baptaıdy.
Birinshi taımda buryshtamadan berilgen doptan keıin «Qaırattyń» qorǵaýshysy 38-mınýtta óz aıyp alańynda qolmen oınap qoıdy.
Álibek Qasym 11 metrlik penaltıdi dál oryndady — 1:0.
Oıynnyń ekinshi bóleginde 68-mınýtta belorýssııalyq Dmıtrıı Bessmertnyıdan pas alǵan Maksım Samorodov esepti eseledi — 2:0.
Ol 93-mınýtta qos goldyń avtory atandy — 3:0. Budan keıin 97-mınýtta «Qaırattan» Vıacheslav Shvyrev esepti qysqarta aldy.
Osylaısha, «Qaıratty» 3:1 esebimen qapy qaldyryp, upaı sanyn 10-ǵa jetkizgen aqtóbelik klýb týrnır kestesinde jeke-dara kósh bastady.
«Qyzyljar», «Ordabasy» jáne «Qaırat» komandalarynyń 8-den upaılary bar.
Onyń ústine «Aqtóbe» qarsylastaryna qaraǵanda, bir oıyndy kem ótkizgen.
Bul týrda ótken jylǵy el chempıony «Ordabasy» Shymkentte «Qyzyljarmen» (Petropavl) teń tarqasty.
Birinshi taım sońynda «Qyzyljardyń» kapıtany, belorýssııalyq Evgenıı Berezın esep ashsa, 52-mınýtta alań ıelerinen Sergeı Malyı tarazy basyn teńestirdi.
«Qaısar» — «Atyraý» básekesinde de 1:1 esebi tirkeldi.
Munda qonaqtardan portýgalııalyq Pedro Eýjenıo mergendigimen kózge tússe, qyzylordalyqtardan belorýssııalyq Valerıı Gromyko jaýap qaıyrdy.
«Qaısar» bıylǵy maýsymdaǵy alǵashqy upaıyna ıe boldy.
Óz matchyn Qaraǵandyda ótkizgen Astananyń «Jeńisi» «Turandy» (Túrkistan) tize búktirdi.
38-mınýtta «Jeńistiń» kapıtany, Belarýs ókili Denıs Grechıho óz komandasyna jeńis áperdi — 1:0.
Búgingi matchtarda belorýssııalyq fýtbolshylardyń erekshe kózge túskenin aıta ketý kerek.
Jeksenbi kúni besinshi týr aıasynda «Astana» — «Tobyl», «Jetisý» — «Shahter» kezdesýleri ótedi.